Oʻzbekistonda patent vakillari faoliyati qoidalari yangilandi
Hukumat patent vakillari uchun majburiy attestatsiyani bekor qildi, davlat reyestrini joriy etdi va ularning vakolatlarini guvohnomada koʻrsatilgan sohalar bilan chekladi.
Vazirlar Mahkamasi patent vakili institutini takomillashtirish toʻgʻrisida 2026-yil 7-oktabrdagi 542-son qarorni qabul qildi. Qaror 8-oktabrdan kuchga kirdi.
Majburiy attestatsiya bekor qilindi. Uning oʻrniga patent vakillari har uch yilda malaka oshirishdan oʻtadi. Ular mijozlar manfaatlarini faqat guvohnomasida koʻrsatilgan sohalarda ifodalashi mumkin.
Patent vakillarining davlat reyestri joriy etilmoqda. Undagi maʼlumotlar «Intellektual mulkni himoya qilish» portalida ochiq eʼlon qilinadi. Amaldagi guvohnomalar 2026-yil 1-noyabrgacha attestatsiyasiz va davlat boji undirilmasdan qayta rasmiylashtiriladi.
Manbalar: Anhor.uz
